الخميس، 22 سبتمبر، 2011

الدولة 194


دولتنا المنتظرة .... بندورة بتنجان وخيار 



الجمعة، 16 سبتمبر، 2011

.............

عدم تحقيق هدف ما ..ليس بالضرورة ان يسمي فشلاً
لربما كان ذلك ضروريا ً كي تتعلم شيئاً جديداً
ولربما أرد الله لك افضل من ذلك .....

الثلاثاء، 6 سبتمبر، 2011

عن غزة أتحدث ...



بما انه التدوينة عن غزة .. فلغزة الحق أن اتكلم بالغزاوي العامي  .. فسامحونا المرة ...


سنة وأكتر بعيدا ً عن غزة وبحر غزة وناس غزة ومآسي غزة ... 
شغلات كتير في بالي بتيجي لما بتذكر غزة ... مش عارف شو صارلها ... هل تغيرت ولا زي ما هي ؟؟ 
هل لسه صوت مواتير الكهربا زي ما هوا وأنت بتمشي بعد المغرب في أي شارع عام ؟
الكهرب لساتها بتيجي بالدور ولا بطلت تيجي أصلا ً :) ؟
هل لسه السواقين بيدوك شوكلاته او باكيت " فاين " بدل النص شيكل عشان مش ملاقيين فكّة :) ؟؟ 
هل لسه آثار البيوت والمباني الحكومية المهدّمة من الحرب لساتها زي ما هي .. ولا شالوها ؟
هل الأزهر لسه بيعلق دوامه كتير ؟؟؟ 
هل موضة الهجرة لسه منتشرة بين الشباب ؟؟؟ 
هل الناس لسه بتقول مقولاتها المشهورة زي " حبيبي ياحج " و" قلق "  , ولا في اشي جديد نزل على الخط  ؟؟؟ 
هل " جنزير" الدبابة اللي فجروها في الحرب لساته موجود على مفترق أبو مازن ؟؟؟ 
هل ارسال شبكة جوال لساته تعيس ولا انعدل حاله ؟
هل موضة الموتوسيكلات موجودة لسه بحوادثها المروعة ولا قلّت ؟
أبو طلال تاع الفلافل  يا ناس لسه فاتح والشيخ تاع الشاورما  شو صار معه :) ؟
شو آخر مكتب NGO  سكّرته الحكومة في غزة ؟؟ 
هل بحر الزوايدة والوسطى لساته نظيف وفلة ؟؟؟ 
العاصمة الاقتصادية للقطاع .. رفح شو صارلها ..؟ في ناطحات سحاب فيها ولا لسه ؟؟ 
هل موظفي رام الله لسه قاعدين ؟ ولا شو بيعملوا ؟؟؟ 
هل الناس لسه بتروح وبتيجي من الأنفاق ؟؟
هل صحيح بلزمني ساعتين في ايدي عشان احنا بلد مترامي الاطراف وفي فرق ساعه بين جناحي الوطن ؟؟ 
شغلات كتير كتير في بالي .. مش عارف في أول زيارة كيف حيكون الوضع  ... بس الأكيد انه مشتاقلها كتير كتير لغزة ... بكل تبعاتها ...........


عن غزة حدثتكم .. فجاوبوني ... :)



الأحد، 4 سبتمبر، 2011

استحقاق أيلول







لنضع الأمور في نصابها , فأن تتوجه السلطة الوطنية الفلسطينية وتطالب بدولة فلسطينية مستقلة بحدود ال 67 والقدس الشرقية عاصمة  هو أمر منطقي و جيد ويحسب للسلطة الفلسطينية التي اختارت الحل السلمي والسياسي كخيار استراتيجي  من أجل تحقيق حلم الدولة الفلسطينية .
والأمر المهم في هذا التوجه انه سيكون بمثابة التقييم النهائي للمسيرة السياسية للسلطة الفلسطينية التي امتدت منذ أوسلو وحتى اليوم مروراً بنجاحات وإخفاقات  سياسية .
هذا التوجّه سيصطدم بكل تأكيد برفض أمريكي متوقع ومعلن منذ فترة ضد فكرة الدولة من طرف واحد , وهذه مسألة أخرى.
لكن هناك تساؤلات كثيرة مثارة حول مسألة " استحقاق أيلول " كما يحلو للكتير تسميته فمثلاً , كيف ستكون هناك دولة منفصلة جغرافيا ً وسياسيا ً , بل وزمنيا ً بفارق توقيت ساعة كاملة  ,  بضفة غربية وقطاع غزة ؟؟
ماهية هذه الدولة الوليدة ايضا ً ما زالت مبهمة  فيما يختص بالحدود النهائية لها وكذلك هل ستكون دولة منزوعة السلاح برقابة أوروبية كما قيل ؟
ماذا عن استبدال وتعويض الأراضي ؟ 
هل الشعب الفلسطيني موافق أصلا ً على دولة في حدود ال 67 ؟ 
هل سيستفتى الشعب الفلسطيني على هذه الدولة في حال قدر لها الوجود ؟ 
 ماذا عن اللاجئين وحق العودة ؟   ماذا عن فلسطينيي الشتات  ؟ هل سيعودون ؟ أم سنبحث لهم عن أيلول أخر ؟ 
كيف ستكون العلاقة بين الدولة الفلسطينية الوليدة ودولة الكيان ؟ 
ما هي المقومات الإقتصادية لهذه الدولة أصلا ً ؟؟ هل سنستمر في " الشحتة" واقتصاد مرتبط تماما ً بدولة الكيان ؟ 


أسئلة كثيرة جداً بحاجة إلى إجابات , لعل الفيتو الأمريكي المنتظر سيريحنا من وجع الراس والإجابة عنها .